ماکسول موعادیله‌لری

ماکسول مۇعادیله‌لری الکتریک مئیدانی و مغناطیس مئیدانینین نئجه تؤرنمه‌سی و تغییرینی تشریح ائدیرلر و بو مئیدانلارین الکتریک یوکو و الکتریک جریانی ایله نئجه باغلیلیقلارینی فوْرمولا سالیرلار. بو موعادیله‌لر کلاسیک الکترومغناطیس مئیدانی نظریّه‌سینین اساسی‌ و برق مهندیسلیگی‌نین تملی ساییلیرلار. ایلک دؤنه اولاراق اینگیلیسلی فیزیک عالیمی جئیمز کلارک ماکسول بو موعادیله‌لری فورمول شکلینده 1861-ده یاییملامیشدیر.

آشاغیدا گلن بو دؤرد موعادیله‌، ماکسول موعادیله‌لرینین هویساید فوْرمودورلار:

موعادیله‌نین آدی	دیفرانسیل موعادیله‌‌سی	انتیگرال موعادیله‌‌سی
قاوس قانونو:	$\mathrm{\nabla }\cdot 𝐃=\rho$	${\oint }_S𝐃\cdot d𝐀=\underset{V}{\int }\rho dV$
مغناطیس مونوپولونون ایمکانسیزلیغی:	$\mathrm{\nabla }\cdot 𝐁=0$	${\oint }_S𝐁\cdot d𝐀=0$
فارادئیین ایلقا قانونو:	$\mathrm{\nabla }\times 𝐄=-\frac{\partial 𝐁}{\partial t}$	${\oint }_C𝐄\cdot d𝐥=-\frac{d}{dt}\underset{S}{\int }𝐁\cdot d𝐀$
آمپر قانونو:	$\mathrm{\nabla }\times 𝐇=𝐉+\frac{\partial 𝐃}{\partial t}$	${\oint }_C𝐇\cdot d𝐥=\underset{S}{\int }𝐉\cdot d𝐀+\frac{d}{dt}\underset{S}{\int }𝐃\cdot d𝐀$

بوردا $\rho$ الکتریک یوکو ، $𝐉$ الکتریک جریانی سیخلیغی، $𝐄$ الکتریک مئیدانی شیدّتی، $𝐁$ مغناطیس مئیدانی شیدّتی و $𝐃$ ایله $𝐇$ مادّه‌نین الکتریک و مغناطیس قوطبی‌لیک سیخینتیلاری یانی $𝐏$ و $𝐌$ ایله موعیّنلشن مئیدانلار دیرلار. خطّی مادّه‌لرده واریمیز:

$𝐏={\chi }_e{\epsilon }_0𝐄$

$𝐌={\chi }_m𝐇$

و بو ایکی مئیدان بئله حسابلانیرلار:

$𝐃={\epsilon }_0𝐄+𝐏=(1+{\chi }_e){\epsilon }_0𝐄=\epsilon 𝐄$

$𝐁={\mu }_0(𝐇+𝐌)=(1+{\chi }_m){\mu }_0𝐇=\mu 𝐇$

تانسوْر فوْرمو

بو موعادیله‌لرین تانسور فورمو بئله دیر:

${\partial }_{\mu }{F}^{\nu \mu }=4\pi J^{\nu }$

${\partial }_{[}\mu F_{\nu \lambda ]}=0$