ایکینجی درجه‌ده موعادیله‌لر

ایکی‌نجی درجه‌ده موعادیله‌لر

ایکی‌نجی درجه‌ده موعادیله‌لر، درجه‌سی 2 اولان نچه‌جمله‌لیک‌لرین یارادان موعادیله‌لردیر. بو موعادیله‌لرین عمومی فورمو آشاغیداکی کیمی‌دیر:

$a{x}^2+bx+c=0$

x دییشکن‌دیر (متغییر) و a ، b قاتسایلار (ضریبلر)، c ایسه ثابیت ساییدیر.

حل

چارپانلاری آییرما حلی

$3x^2-24x+36=0$

استاندارد وضعیته گتیرمک اۆچون، اولجه موعادیله‌نین ایکی طرفی 3 اَ بؤلۆنملی‌دیر.

$x^2-8x+12=0$

موعادیله‌نین چارپیملاری 12، توپلاملاری 8- اولان سایی‌لار موجوددور. آشاغیداکی کیمی ینی‌دن یازیلیر:

$(x-6)(x-2)=0$

بوردان x=6 و x=2 حاصیل اولور.

عمومی حل

آشاغیداکی کیمی:

$x=\frac{-b\pm \sqrt{b^2-4ac}}{2a}$

میثال اۆچون $x^2-8x+12=0$

$x=\frac{-(-8)\pm \sqrt{(-8{)}^2-4(1)(12)}}{2(1)}$